Аргентинада кичик самолёт қулаши оқибатида 5 киши ҳалок бўлди

Фото: Getty Images

Аргентинанинг Буэнос-Айрес вилоятидаги Маркос Пас шаҳри яқинида кичик самолёт қулаши оқибатида 5 киши ҳалок бўлди. Бу ҳақда Associated Press ахборот агентлиги хабар бермоқда.

Ўт ўчирувчиларнинг маълумотларига кўра, бир моторли Cessna 201 самолёти ҳалокатга учраган. Унинг бортида 3 нафар катта ёшли ва 2 нафар балоғатга етмаган одамлар бўлган. Уларнинг барчаси ҳалок бўлган.

Таъкидланишича, самолёт ҳавога кўтарилиши биланоқ қулаган. Ушбу ҳолат юзасидан тергов бошланган.