Хитойдаги қишлоқлардан бирига 14 ёввойи фил бостириб кирди
Ўн тўрт оч ёввойи фил емиш қидириб, Хитойнинг жануби-ғарбидаги Юньнань провинциясидаги қишлоққа бостириб кирди. Бу ҳақида Синьхуа агентлиги хабар берди.
Хитойда Осиё ёввойи филлари қўриқланувчи жониворлар ҳисобланади. Улар асосан Сишуанбаньн округи, шунингдек Пауэр ва Линьцан шаҳарларида яшайди. Қиш мавсумида егулик етишмовчилиги уларни яқин атрофдаги қишлоқлардан емиш излашга мажбур қилади.
Ўрмон полицияси хабарларига кўра, сешанба куни эрталаб 14 ёввойи фил Синшуанбаньн-Дай автоном туманидаги Мэнхай уезди, Мандан қишлоғига бостириб кирган.
Филлар 26 январдан шу ҳудуд атрофида далалар ва фермер хўжаликлари яқинида емиш излаб айланиб юришган. Филлар бир неча жўжа ва ғозларни босиб, қишлоқ экинларини еб кетишган.
Полиция хавфдан огоҳлантириш ва транспорт полициясига хабар бериш, шунингдек маҳаллий аҳолини эвакуация қилиш учун махсус персоналини йўналтирган. Ҳукумат жониворларни кузатиш учун дрондан фойдаланган.
Ўрмон хўжалик бошқаруви маълумотларига кўра, 2011 йилдан 2015 йилга қадар Юньнань провинциясида филларнинг бостириб киргани тўғрисидаги 48 000 ҳолат қайд этилган. Бунинг натижасида 18 киши ҳалок бўлган, 27 нафари жароҳат олган, иқтисодий зиён эса тахминан 14 миллион долларни ташкил қилган.
Мавзуга оид
13:43 / 29.06.2024
Сузиб юрувчи қишлоқ – Филиппиндаги қабила нега бамбук тахталарида яшашга мажбур?
18:45 / 08.05.2024
Ичимлик суви етиб бормаган жойларга сув олиб борилади. Бунда фуқароларнинг назорати жуда муҳим
12:19 / 25.04.2024
Қўғирчоқлар қишлоғи – одамлар тарк этиб қўғирчоқларга қолган ғайриоддий япон қишлоғи ҳақида
09:10 / 01.04.2024