Путин россияликларни ажойиб келажак кутаётганини айтди

Россия президенти Владимир Путин фан ва инновациялар соҳасидаги ёш олимларга мукофотларни топшириш маросимида мамлакат келажагини қандай кўраётгани борасидаги фикрлари билан ўртоқлашди. Бу ҳақда Россия ОАВ хабар қилмоқда. 

«Мамлакатимиз барпо этилган пойдеворлар шунчалик чуқур ва мустаҳкамки, Россия келажаги ажойиб ва фаровон бўлиши шубҳасиз», — деган давлат раҳбари. 

Шу ой бошида, PricewaterhouseCoopers (PwC) халқаро консалтинг компанияси ўз тадқиқоти натижасини эълон қилган эди. Унга кўра, 2050 йилга бориб, ҳозирда ривожланаётган мамлакатлар глобал иқтисодиётда етакчилик қилиши тахмин қилинган. Ҳисоботда Россия 2050 йилда Европанинг биринчи иқтисодиёти бўлиши айтилганди.