Туркия бир сутка давомида ИШИДнинг қарийб 50 нафар жангариси йўқ қилинганини маълум қилди

Туркия қуролли кучлари бош штаби шанба куни бир сутка давомида ИШИДнинг 43 жангарисини йўқ қилгани ҳақида хабар берди. Бу Сурия шимолидаги “Фирот қалқони” амалиёти давомида рўй берган.

“Бизнинг ҳарбий-ҳаво кучларимиз томонидан берилган авиазарбалардан сўнг ИШИДнинг 66 объекти, шу жумладан террорчилар томонидан назорат қилинган 55 бино, икки штаб, қурол-яроғ омбори, иккита ўт очиш позицияси ва мобил алоқа станцияси йўқ қилинди. Ҳаво ва ер усти амалиётлари давомида ИШИДнинг 43 жангариси йўқ қилинди”, - дейилади Туркия қуролли кучлари бош штаби баёнотида.

Хабарларга кўра, турк артиллерияси ва танклари ИШИДнинг 179 нуқтасига зарбалар берган.