Испаниянинг Бургос шаҳрида истиқомат қилувчи аёл 64 ёшида соғлом эгизакларни дунёга келтирди. Бу ҳақида 16 февраль куни BBC News хабар берли.
Кесерча кесиш йўли орқали дунёга келган гўдакларнинг бири - қиз бола, иккинчиси - ўғил бола. Операция қийинчиликларсиз ўтди, она-болалар соғ-саломат.
Маълум бўлишича, исми ошкор қилинмаган аёл АҚШда бепуштликдан даволанган. 2012 йилда у қиз фарзандли бўлган, бироқ аёлнинг ночор молиявий аҳволини кўрган ижтимоий хизмат ходимлари болани онасидан олиб кетишган. Аёл эгизакларни ўзи вояга етказа оладими ёки йўқ - ҳозирча номаълум.