Жанубий Корея овозкучайтиргичлар орқали КХДРни Ким Чен Нам қотиллигида айблади

Жанубий Корея ҳарбийларининг тасдиқлашича, расмий Сеул КХДР билан чегара ҳудудларда овозкучайтиргичлар воситасида эфирга узатиш ишларини бошлаган. Бундан кўзланган мақсад қўшни мамлакат фуқароларини КХДР етакчиси Ким Чен Ирнинг ўгай акаси Ким Чен Намнинг Малайзияда ўлдирилганидан хабардор қилишдир. 

"Биз 34та овозкучайтиргич орқали Шимолий Корея аҳолиси ва ҳарбийларини, уларнинг етакчиси Ким Чен Ин ўзининг катта ўгай акаси Ким Чен Нам қотиллиги ортида турганидан хабардор қилмоқдамиз", — дея ўз манбаси сўзларини келтиради Ёнхап агентлиги. 

КХДРнинг собиқ етакчиси Ким Чен Ирнинг катта ўғли Куала-Лумпур аэропортида заҳарланган эди. Албатта, заҳарланган кишининг паспортида Ким Чхоль исми ёзилган бўлса-да, Малайзия ҳукумати ўтган ҳафтада марҳумнинг айнан Ким Чен Нам эканини тан олган эди.

Қотиллик бўйича тергов ишлари давом этмоқда, аммо Жанубий Корея бу жиноятда  расмий Пхеньян қўли борлигига ишонмоқда. Шимолий Корея дипломатлари эса Ким Чхоль деб атаётган шахснинг жасадини беришни талаб қилишмоқда.