Руни «Манчестер Юнайтед»даги келажаги бўйича сўнгги гапни айтди

«Манчестер Юнайтед» клуби ҳужумчиси Уэйн Руни Хитойда ёпилмаган қишки трансферлар вақтида ўз жамоасини тарк этмаслигини билдирди.

«Бир неча клублардан қизиқишлар бўлаётгани рост. Уларга бунинг учун миннатдорчилик билдираман. Лекин матбуотдаги барча гапларга якун ясашни истайман.

«МЮ»да қоламан. Умид қиламанки, тўртта фронтда курашни давом эттираётган жамоага ҳали ёрдамим тегади. «Манчестер Юнайтед»нинг бир қисми бўлиб қолишни истайман», – дея Рунидан иқтибос келтиради клуб расмий сайти.