Трамп маъмурияти Америка компаниялари учун солиқ юкини пасайтиради
АҚШ президенти Дональд Трамп Конгресс олдидаги маърузасида мамлакатга 1 трлн долларлик инфратузилмаларни ривожлантириш дастури кераклиги ҳақида сўз юритди.
Унинг сўзларига кўра, миллий тикланишга доир янги дастурни қабул қилишнинг вақти келган. Трампнинг таъкидлашича, АҚШ Яқин Шарққа 6 трлн долларни сарфлаб юборган бир вақтда, мамлакат инфратузилмалари барбод бўлмоқда.
Президентнинг изоҳ беришича, 1 триллион доллар давлат ва хусусий сармоя ҳисобидан киритилиши мумкин. У шундай таклиф билан Конгрессга мурожаат қилишини билдирди. Дастурни ҳаётга татбиқ этиш бир неча миллионлик иш ўринлари барпо этиш имконини беради.
Трампнинг аниқлик киритишича, ушбу дастур негизида иккита қоида ётади — «Америка маҳсулотини харид қилиш» ва «америкаликларни ёллаш».
Президент, шунингдек, Конгрессдаги чиқишида Америка иқтисодиётини қайта ишга туширишга чақирди. Компаниялар АҚШда фаолият юритишлари осон бўлиши ва хорижга кетиши оғир бўлиши кераклигини айтди. У Америка компаниялари учун солиқ юкини пасайтиришга ҳамда ўрта тоифа учун солиқ юкламаларини енгиллаштиришга ваъда берди.
Мавзуга оид
20:34 / 27.09.2024
Зеленский Ню Йоркда Трамп билан учрашди
18:31 / 27.09.2024
“100 млн долларлик газнинг ҳавога учиши тўхтайди” — АҚШ компанияси Ўзбекистонда газ тармоқларини таъмирламоқда
22:34 / 26.09.2024
АҚШ ва Европа Путиннинг янги ядровий таҳдидларига жавоб қайтарди
07:30 / 26.09.2024