Shell компанияси Канададаги активларини сотмоқда

Royal Dutch Shell инглиз-голланд компанияси Канададаги нефтга бой қумлар ҳудудидаги лойиҳаларини 8,5 млрд долларга сотиш бўйича Canadian Natural Resources Limited компанияси билан шартнома имзолади.

Shell бундан 5,4 млрд долларини пул ва 3,1 млрд долларини Canadian Natural акциялари кўринишида олади.

Компания шу тариқа Athabasca Oil Sands лойиҳасидаги ўз улушини 60 фоиздан 10 фоизгача қисқартирмоқда ва Peace River Complex, жумладан Carmon Creek лойиҳаларининг 100 фоиз ативини сотмоқда. Shell компанияси AOSP’s Scotford лойиҳаси оператори бўлиб қолади.

9 март куни аввалроқ Shell ва Canadian Natural’нинг Athabasca Oil Sands лойиҳасидаги Marathon oil’нинг 20 улушини 2,5 млрд долларга сотиб олиши маълум қилинганди. Компаниялар бу активлар учун 1,25 млрд доллардан тўлашади.