Турк вазири жаҳон ҳамжамияти Нидерландиянинг "фашистча ҳаракатига" муносабат билдириши кераклигини айтди

Туркиянинг оила ишлари ва ижтимоий сиёсат бўйича вазири Фатма Бетул Саён Кайя Нидерландия ҳукуматининг уни мамлакатдан чиқариб юбориш қарорини қоралади.

"Барча демократик ва умуминсоний қадриятларни писанд қилмай, мени Нидерландиянинг Неймеген шаҳри орқали Германияга қайтаришмоқда. Бу қарорни барча турклар номидан қоралайман. Жаҳон ҳамжамияти бу фашистча ҳаракатга муносабат билдириши керак", деб ёзди вазир твиттерда.

Кайянинг айтишича, аёл вазирга нисбатан бундай муносабатда бўлишга қатъиян йўл қўйиб бўлмайди.