Хитой компанияси электромобиллар ишлаб чиқаришга 8,7 млрд доллар сармоя киритмоқчи

Хитойнинг Great Wall автомобилсозлик компанияси кейинги 10 йил ичида электромобил ва гибрид машиналарга мўлжалланган технологияларни ривожлантириш, уларни ишлаб чиқарувчи қувватларини яратиш учун кейинги 10 йил ичида 60 млрд юан (8,67 млрд доллар) сармоя киритади.   

Компания ўз қувватларини бундай машиналардан йилига 600 мингтасини ишлаб чиқаришгача етказмоқчи.

Бундан ташқари, Great Wall раҳбари компания жорий йилда савдоларнинг камида 10 фоизга ўсишини режалаштираётганини маълум қилди. Компания 150-200 минг юанлик йўлтанламаслар ишлаб чиқариши тахмин қилинмоқда. Бунинг учун махсус Wey бренди яратилди.

Great Wall япон компаниялари билан ҳамкорликни мустаҳкамлашга умид қилмоқда. Компания Австралия, Жанубий Африка Республикаси ва Россия бозорларига эътиборни кучайтирмоқчи.