Андижондаги “Авиакассалар” бекати номи барибир ўзгартирилди

Аввалроқ, янги қурилаётган йўллар, кўчалар ва бекатларга ном беришдаги хато ва камчиликлар ҳақида ёзгандик. Бунга Андижон шаҳридаги янги қуриб, битказилган бекатга "Авиакассалар" номи берилиши сабаб бўлганди. 

Кун.uz таҳририятига маълум бўлишича, шундан сўнг мутасадди раҳбарлар иштирокида мазкур масала кўриб чиқилиб, ижобий ечим топилди. Андижон шаҳридаги Бобуршоҳ кўчасидаги "Авиакассалар" бекати Заҳириддин Муҳаммад Бобур номига ўзгартирилди.

Биз Андижон шаҳар ҳокимлигининг мутасадди раҳбарларига жамоатчилик фикрини инобатга олганлиги, тилга олинган масаланинг ўз вақтида ҳал қилинишида ёрдамини аямагани учун миннатдорлик изҳор этамиз.