«МЮ» 148 кундан бери илк марта турнир жадвалида олтинчи ўриндан кўтарилди

АПЛнинг 29-тури доирасида «Манчестер Юнайтед» «Мидлсбро» майдонига сафар қилди ва ўтган ҳафтада Айтор Каранкани ишдан бўшатиб, бош мураббийсиз қолган жамоа устидан 3:1 ҳисобида зафар қучди.

Ўйиннинг 30-дақиқасида Марвон Феллайни ҳисобни очди, 62-дақиқада Жесси Лингард устунликни иккита тўпга оширди, 77-дақиқада эса Руди Жестед мезбонларнинг жавоб голига муаллифлик қилди. Аммо ўйиндаги якуний ҳисоб ўйин якунида «МЮ» ҳимоячиси Антонио Валенсия томонидан ўрнатилди. У мезбонлар дарвозабони Виктор Вальдеснинг хатосидан кейин тўпга эга чиқиб, бўш дарвозани ишғол этди.

Эндиликда «Манчестер Юнайтед» очколари сонини 52тага етказди ва «Арсенал» ҳамда «Эвертон»ни 2 очкога ортда қолдириб, турнир жадвалида бешинчи ўринга кўтарилди. Қайд этиш керакки, Моуриньо шогирдлари 148 кундан буён олтинчи ўриндан кўтарила олмаётганди. «Мидлсбро» эса 22 очко билан 19-ўринда қолмоқда.

Англия чемпионати, 29-тур
Мидлсбро – Манчестер Юнайтед 1:3 (0:1, 1:2)
Голлар: 0:1 – 30 Феллайни, 0:2 – 62 Лингард, 1:2 – 77 Жестед, 1:3 – 90 Валенсия.
Мидлсбро – Вальдес, Эспиноса, Фабио, Барраган, Гибсон, Лидбиттер (Жестед, 67), Клейтон, Даунинг, де Рон, Рамирес (Траоре, 68), Негредо.
Манчестер Юнайтед –    Де Хеа, Джонс, Смоллинг, Байи, Валенсия, Кэррик, Янг, Мата (Рохо, 69), Феллайни, Лингард (Марсиял, 80), Рэшфорд (Дармиан, 90).
Огоҳлантиришлар: Жонс (25), Клейтон (33).