“Газпром” Ўзбекистон билан газ харид қилиш бўйича беш йиллик шартнома имзолади

"Газпром" Ўзбекистон билан 2018 йилдан бошлаб ҳар йили 4 миллиард кубометр газ харид қилиш бўйича беш йиллик шартнома имзолади. Бу ҳақда Россия компанияси хабарида айтилади.

"Газпром" бошқаруви раиси Алексей Миллер ва Ўзбекистон бош вазири ўринбосари Ғуломжон Ибрагимов “Газпром” томонидан ўзбек газини харид қилиш бўйича шартномани имзолашган. Ҳужжат 2018 йилдан бошлаб, 5 йил давомида ҳар йили 4 миллиард кубометр газни сотиб олишни назарда тутади", - дейилади хабарда.

Имзолаш маросими Москвада Ўзбекистон Республикаси президенти Шавкат Мирзиёев ва РФ президенти Владимир Путин ҳузурида бўлиб ўтган.