Пентагон Сурия базасида кимёвий қурол сақланганини айтмоқда

АҚШ мудофаа вазирлигининг уқдиришича, Сурия қуролли кучларининг ракета зарбалари берилган авиабазасида кимёвий қурол сақланган. 

"Шайрат авиабазаси кимёвий қуролни сақлашда фойдаланилган. АҚШ разведка хизматларига кўра, Шайратдан учган самолётлар 4 апрель куни кимёвий қуролдан фойдаланган ҳолда ҳужум қилган. Аэродромга берилган авиазарба Сурия тузумининг навбатдаги кимёвий ҳужум қилишига йўл қўймаслик мақсадида амалга оширилган", — дейилади Пентагон расмий вакили Жефф Дэвис баёнотида.

Унга кўра, авиабазага 59та ракета учирилган. Бундан аввал, 50та қанотли ракета уччирилгани ҳақида хабар қилинган эди.