Ўзбекистон ва Қирғизистон чегараолди ҳамкорлиги масалаларини муҳокама қилади

Наманган шаҳрида 10-20 апрель кунлари Ўзбекистон ва Қирғизистон ҳукуматлари делегацияларининг ўзбек-қирғиз давлат чегарасини делимитациялаш ва демаркациялаш бўйича ишчи гуруҳларининг навбатдаги учрашувлари бўлиб ўтади. 

Маълум қилинишича, 2016 йил августидан то шу кунгача 10 та шундай учрашув бўлиб ўтган. 

Ўзбекистон-Қирғизистон чегарасининг умумий узунлиги 1 минг 378 километрни ташкил қилади. Шу билан бирга 320 км масофада чегара қаердан ўтиши аниқлаштириб олинмаган.