ОЧЛ. «Бунёдкор» гуруҳдаги тўртинчи ўйинда ҳам ютқазди (гуруҳ жадвали)

Осиё Чемпионлар Лигаси–2017 мусобақаси, С гуруҳи, 4-турида Тошкентнинг «Бунёдкор» жамоаси Исфахонда «Зоб Аҳан» меҳмони бўлди.

Foolad Shahr Stadium ўйингоҳида ўтказилган ўйинда эронликлар жамоаси 2:1 ҳисобида ғалаба қозонди. Ўйиннинг 5-дақиқасида Воҳид Муҳаммадзода ҳисобни очган бўлса, 54-дақиқада Муртазо Табризи «Зоб Аҳан» устунлигини оширди.

72-дақиқада Шаҳзобдек Нурматовнинг боши билан берган зарбаси голга айланди ва ҳисоб қисқарди. Аммо ўйин якунига қадар бошқа гол киритилмади ва «Бунёдкор» 1:2 ҳисобидаги мағлубият билан ортга қайтадиган бўлди.

Ушбу ғалабадан кейин «Зоб Аҳан» очколари сонини 7 тага етказиб, гуруҳда 2-ўринга жойлашди. Тўртта учрашувда умуман очко жамғара олмаган «Бунёдкор» эса гуруҳдан чиқиш имкониятини йўққа чиқарди.

ОЧЛ–2017. С гуруҳи, 4-тур
«Зоб Аҳан» – «Бунёдкор» 2:1
Голлар: Воҳид Муҳаммадзода (5), Муртазо Табризи (54) – Шаҳзодбек Нурматов (72)
«Зоб Аҳан»: Муҳаммадрашид Мазаҳери, Али Ҳамам, Муҳаммад Нажадмеҳди, Воҳид Муҳаммадзода, Меҳрон Деракшан, Ризо Ҳусайни (Ҳагверди, 90), Даниал Эсмоилфар, Маҳди Маҳдипур, Эҳсон Паҳлавон, Муртазо Табризи, Жерри Бенгтсон (Меҳди Ражабзода, 82).
«Бунёдкор»: Мурод Зуҳуров, Рустамжон Ашурматов, Акрам Комилов, Жавлон Мирабдуллаев, Дилшодбек Аҳмадалиев, Душан Мичич (Достонбек Ҳамдамов, 46), Сардорбек Азимов, Миржамол Қосимов (Шаҳзодбек Нурматов, 57), Отабек Шукуров, Хуршид Ғиёсов, Элдор Шомуродов.
Огоҳлантириш: Отабек Шукуров (71).