ИШИДнинг Суриядаги қочқинлар лагерига ҳужуми 50 дан зиёд кишининг ўлимига сабаб бўлди

Фото: trend.az

ИШИД террорчиларининг Сурия шимоли-шарқидаги Хасака провинциясидаги қочқинлар лагерига ҳужум қилиши натижасида қурбон бўлганлар сони 50 нафардан ошди. Бу ҳақида Сурия телевидениесида хабар берилди.

Аш-Шаддадий шаҳрининг жануби-шарқида жойлашган лагерда Дайр-аз-Зор ва Раққа провинциялари, шунингдек Ироқнинг Ниневия провинцияси қочқинлари бўлган. Жангарилар сешанба куни тонгда уларга ҳужум қилишган.

"50 нафардан зиёд киши, жумладан аёллар ва болалар ҳалок бўлган, 34 киши жароҳат олган ва шифохонага етказилган. Баъзилари оғир аҳволда", - дея хабар берилди телеканалда.