Миграция агентлигида Россиядаги заводга ишчиларни танлаб олиш бошланди

2017 йилнинг 3 май куни Ташқи меҳнат миграцияси масалалари бўйича агентлик биносида Вологда подшипник заводида ишлаш ниятида бўлганларни танлаб олиш бошланди.

«ВПЗ» 1967 йилда Вологда шаҳрида ташкил этилган бўлиб, у Россия автомобилсозлик, қишлоқ хўжалиги техникаси, металлургия, нефть-кимё ва тоғ-кон саноати, электротехника, ёқилғи-энергетика ва ҳарбий-саноат мажмуаси учун подшипниклар ишлаб чиқариш билан шуғулланади.

Бугунги кунда заводда Ўзбекистон Республикасидан бўлган 139 нафар фуқаро ишлайди. Айни дамда ишлаб чиқариш ҳажмини ошириш кўзда тутилган бўлиб, шу сабабдан қўшимча ишчиларни ёллаш эҳтиёжи пайдо бўлган.