Неймар ва мураббийнинг жанжали тафсилоти аниқ бўлди

«Барселона» бош мураббийи ёрдамчиси Хуан Карлос Унсуэ ва ҳужумчи Неймарнинг можароси тафсилотлари аниқ бўлди. Бу ҳақда Marca нашри хабар тарқатган.

Манбага кўра, Унсуэ футболчининг машғулотларга ёндашувини танқид қилган ва унга: «Агар худди шу руҳда давом этадиган бўлсанг, худди Роналдиньодек фаолиятингни якунлайсан», деган.

Эслатиб ўтамиз, Унсуэ Луис Энрике жамоани тарк этгач, «Барселона»ни бошқариши мумкин бўлган мураббийлар ичида бор. Жумладан Неймар ҳам унинг номзодини қўллаб-қувватлаганди.