Саудия энергетика вазири нефт бўйича келишувни 2018 йилгача узайтиришни илгари сурмоқда

Россия ва Саудия Арабистони нефт қазиб олишни қисқартириш бўйича Вена келишуви 2018 йил мартига қадар узайтириш лозим деган тўхтамга келди. Бу ҳақда Саудия Арабистони энергетика, саноат ва минерал захиралар вазири Холид Ал-Фалих баёнот берди. 

"Биз бу келишув 2018 йил мартига қадар узайтирилиши керак, деган хулосага келдик", — деган Ал-Фалих РФ энергетика вазири Александр Новак билан ўтказган учрашувдан сўнгги матбуот анжуманида. 

ОПЕК ташкилоти 30 ноябрда Венада бўлиб ўтган йиғилишда октябр ойидаги даражадан кунига 1,2 млн баррел кам қазиб олишга келишилган эди. ОПЕКка аъзо бўлмаган 11 давлат 10 декабрда учрашиб, кунига 558 минг баррел камроқ нефт қазиб олишга қарор қилишганди.