Трамп: Эрдўған томонидан сўралган ҳарбий қурилмалар қисқа фурсатларда етказилади

Туркия президенти Ражаб Тоййиб Эрдўған томонидан АҚШдан сўралган ҳарбий қурилмалар Туркияга қисқа фурсатларда етказилади. Бу ҳақда АҚШ президенти Дональд Трамп Эрдўған билан Оқ уйда ўтказилган музокаралар якунларига кўра уюштирилган матбуот-анжуманда айтиб ўтди. 

"Туркия президенти томондан сўралган ҳарбий қурилмалар, биз буни аниқ тушунтирдик, қисқа фурсатларда етказилади", деб айтди Трамп.

Трамп, шунингдек, АҚШ Сурияда зўравонликни камайтиришга ва бу давлатдаги ихтилофни тинчлик билан ҳал қилиш учун шароитлар яратишга қаратилган барча саъй-ҳаракатларни қўллаб-қувватлашини айтди.

Бундан ташқари, Трамп Туркиянинг террорчиликка, жумладан, ИШИД ва Курдистон ишчи партиясига қарши курашини қайд қилиб ўтди. "Биз бу таҳдидга биргаликда жавоб беришга интилмоқдамиз. Биз турк халқига кўмагимизни таклиф қилмоқдамиз. Биз Туркияни террорчиликка ҳамда ИШИД ва КИП каби террорчилик гуруҳларига қарши курашда қўллаб-қувватлаймиз", деб айтди Трамп.