Австралия делегацияси билан инвестициялар ва туризмга оид шартномалар лойиҳалари муҳокама қилинди
24 май куни Ўзбекистон Республикаси Ташқи ишлар вазирлигида мунтазам ўтказилиб келинаётган икки томонлама вазирликлараро маслаҳатлашувлар доирасида Австралия Ташқи ишлар ва савдо вазирлиги Жанубий ва Ғарбий Осиё Департаменти бошлармаси директори Жеймс Ҳолл бошчилигидаги делегация билан учрашув бўлиб ўтди. Бу ҳақда Ўзбекистон ТИВ матбуот хизмати хабар берган.
Ташқи сиёсат идоралари вакиллари сиёсий, савдо-иқтисодий, инвестицион, маданий-гуманитар ва бошқа соҳалардаги ҳамкорликни янада ривожлантириш истиқболларига урғу берган ҳолда Ўзбекистон-Австралия кун тартибининг кенг доирадаги масалаларини муҳокама қилишди.
Делегациялар муносабатларнинг шартномавий-ҳуқуқий асосини кенгайтириш масалалари, жумладан томонлар кўриб чиқаётган “Инвестицияларни рағбатлантириш ва ўзаро ҳимоя қилиш тўғрисидаги” ва “Туризм соҳасида ҳамкорлик тўғрисидаги” ҳукуматлараро шартномалар лойиҳалари юзасидан ҳам фикр алмашишди.
Учрашувда Австралия элчиси (қароргоҳи Москва шаҳрида) Питер Мартин Теш иштирок этди.
Мавзуга оид
22:45 / 24.10.2024
2024 йилда Ўзбекистонга келган сайёҳлар сони маълум қилинди
17:47 / 15.10.2024
Тошкент туманидаги “Шифобахш сувлар” ҳудудида яна 5 та санаторий қурилади
16:26 / 08.10.2024
2024 йилда хорижга саёҳатга борган ўзбекистонликлар сони маълум қилинди
21:40 / 03.10.2024