Қўшимча функционаллар
-
Тунги кўриниш
Самарқанддан Россияга турмуш ўртоғини излаб борган аёл ҳақидаги сериал намойиши яқин
Фото: intermedia.ru
29 май куни Россиянинг Биринчи канали (Первый канал)да "Бизнинг ҳовлимизда..." номли сериал намойишига старт берилади. Ундаги бош ролларни асли ўзбекистонлик бўлган актриса Равшана Куркова ва Сергей Пускепалис ижро этишади. Бу ҳақида Равшана ўз Instagram'и орқали маълум қилди.
Фильмдаги воқеалар Москвадаги турар-жойларнинг бирида рўй беради. Фильм қаҳрамонлари - шу маҳаллада яшовчи кишилар. Каленый – полиция ходими (Сергей Пускепалис) жароҳати сабаб нафақада, ишлаган пайтларини соғиниб, спиртли ичимликлар ичишни бошлайди. Мавлуда - ўзбекистонлик аёл (Равшана Куркова) йўқолган эрини қидириб, Москвага келган. Мавлуда тиббий маълумоти бўлишига қарамай, фарзандларини таъминлаш учун дуч келган ишни бажаришига тўғри келади - фаррошлик қилади, баъзан эса энагалик ҳам.
Собиқ полициячи бошқа мамлакатлардан келганларни ёқтирмайди, аёл эса - ичкиликка муккасидан кетганларни. Шунга қарамай, улар ҳар қандай жиноятни фош қилишга қодир ажойиб жамоа бўлишади. Мавлуданинг эрини топишда ҳам шу инсон ёрдам беради. Сериалнинг 12 эпизодида 12 та жиноят изига тушилади.
Фильмда шунингдек Евгения Калинец, Азамат Нигманов, Олег Ребров, Ричард Бондарев, Юли Самойленко, кенжа Алексей Весёлкин, Всеволод Макаров ва бошқалар суратга тушган.
Мавзуга оид
15:33 / 17.08.2024
Сериал учун рухсат олиб бериш эвазига 20 минг доллар олган шахс ушланди
16:41 / 22.12.2023
Тошкент вилоятида Cinema Park эркин иқтисодий зонаси ташкил этилади
10:26 / 01.12.2023
Қозоғистонда гиёҳвандлик моддалари қандай тарқатилади? «Фирибгарлар» ижодкорларидан янги сериал
08:44 / 29.10.2023