Пентагон раҳбари: АҚШ ва Хитой ўртасида можаро юз бериши мумкин

Фото: AFP

АҚШ мудофаа вазири Жеймс Мэттиснинг маълум қилишича, Қўшма Штатлар Хитойнинг КХДРни “босиб туриш” бўйича ҳаракатларини маъқуллайди, бироқ, Вашингтон Жанубий-Хитой денгизидаги сунъий оролларнинг ҳарбийлаштирилишини қабул қилишга тайёр эмас. Бу ҳақда у Сингапурдаги хавфсизлик бўйича халқаро анжуманда чиқиш қилиб айтиб ўтди, деб хабар бермоқда Reuters.

Мэттиснинг қўшимча қилишича, АҚШ Хитойнинг иқтисодий ривожини маъқуллайди, бироқ, мамлакатлар ўртасида турли қарама-қаршиликлар бор эканини ҳам тан олди.

«АҚШ ва Хитой, дунёнинг икки энг йирик иқтисодиёт ўртасидаги рақобатдан қочиб бўлмайди, можаро эҳтимолини истисно этиш керак эмас», - дея қўшимча қилган Пентагон раҳбари.