Олмахонлар АҚШ ҲҲК ветерани ҳовлисидаги байроқчаларни ўғирлаб кетишди (видео)

Олмахонлар АҚШ ҳарбий-ҳаво кучлари (ҲҲК) ветерани ҳовлисидаги бир неча кичик байроқчаларни ўғирлаб кетишди, деб ёзади UPI. Уй эгаси бу йўқотишдан дарғазаб бўлган ва уларнинг қаерга ғойиб бўлгани борасида ўйланиб қолган. Шунда қўшниси олмахонларнинг "қилмиши" тасвирланган видеони кўрсатган. 

Собиқ ҳарбий Женнифер Нортэмнинг қизи ўғирлик инсон томонидан амалга оширилмаганини билгач, отасининг кўнгли таскин топганини айтган. "Нима деб ўйлашни ҳам билмай қолдик, чунки бу жойга эндигина кўчиб келгандик", - дея изоҳ берди у. Оила "ўғриларнинг қилмиши" устидан кулган.

Роликни тасвирга олган қўшниси Дэвин Ривера-Дюкнинг сўзларига кўра, олмахонлар умумий ҳисобда 10 та байроқчани ўғирлиб кетган. Жониворлар улардан дарахт шохларида ин қуришган.