Ўзбекистон ҳукумати 2 июнь куни миллатлараро муносабатлар ва хорижий мамлакатлар билан дўстона муносабатлар бўйича қўмита раисининг ўринбосарини тайинлади.
Ҳукумат қарорига кўра, Камолиддин Эшонхўжаев Вазирлар Маҳкамаси ҳузуридаги Миллатлараро муносабатлар ва хорижий мамлакатлар билан дўстлик алоқалари қўмитаси раисининг хорижий алоқалар ва ватандошлар билан ишлаш бўйича ўринбосари лавозимини эгаллади.
Аввалроқ Ўзбекистон Миллий телерадиокомпанияси раиси лавозимида ишлаб, шу йилнинг февралида ишдан олинган Алишер Хўжаев ҳам миллатлараро муносабатлар ва хорижий мамлакатлар билан дўстона муносабатлар бўйича қўмита раиси ўринбосарлигига тайинлангани ҳақида хабар бергандик.
