Зимбабведа автобус ағдарилиб кетди, қурбонлар жуда кўп

Зимбабве шимолида автобуснинг ағдарилиб кетиши туфайли камида 45 киши ҳалок бўлди. Бу ҳақда AP агентлиги хабар берган.

Маълумотларга кўра, ҳодиса чоршанба куни кечқурун пойтахт Хараредан 156 километр масофада рўй берган. Автобус Замбияга кетаётган бўлган. Дастлабки маълумотларга қараганда, ҳайдовчи кескин бурилиш пайтида бошқарувни йўқотган, натижада машина йўл четидаги устунга бориб урилди ва ағдарилиб кетди.

Аксарият зимбабвеликлар ҳар куни автобусда Замбияга бориб, у ерда озиқ-овқат маҳсулотлари ва кийим-кечак билан савдо қилишади.