Кувайт Қатарга ёрдам беришга тайёр

Фото: РИА "Новости"

Қатарнинг Форс кўрфази мамлакатлари билан инқирозини дипломатик музокаралар йўли билан тартибга солиш керак. Кувайт ТИВ раҳбари Шайх Сабаҳ Ал-Холид шундай баёнот билан чиқди. "Анадолу" шу ҳақида хабар берди.

Сабаҳнинг сўзларига кўра, Доҳа ва қатор араб мамлакатлари ўртасидаги тушунмовчиликни "муаммоларни минтақадан ташқарига олиб чиқмаган ҳолатда", дипломатик йўл билан ҳал қилиш керак.

"Кувайт юзага келган тушунмовчиликлар сабаб, қатарлик биродарларининг барқарорлиги ва хавфсизлигини таъминлаш учун ёрдам беришга тайёр", - деди Кувайт ТИВ раҳбари.

Унинг сўзларига кўра, Кувайт минтақадаги зиддиятни бартараф этиш учун барча зарур чораларни кўради.

#Кувайт #ёрдам #Қатар #зиддият

Форс кўрфазида жиддий сиёсий инқироз юзага келди. Саудия Арабистони, Миср, Баҳрайн, БАА, Яман, Ливия ва Мальдив бошқа бир араб давлати Қатар билан дипломатик алоқаларни узди. Бунга Қатар Эронни ва терроризмни қўллагани сабаб сифатида кўрсатилмоқда.