Ўзбекистон Афғонистон бўйича конференцияга таклиф этилди

2017 йил 16 июнь куни Ўзбекистон Республикаси Ташқи ишлар вазирлигида Туркманистон Фавқулодда ва Мухтор Элчиси Шири Ширийев ҳамда Афғонистон Ислом Республикаси Фавқулодда ва Мухтор Элчиси Сайид Шаҳобиддин Тимурий билан учрашув бўлиб ўтди.

Ташқи ишлар вазирлиги матбуот хизмати хабар қилишича, учрашувда кўп томонлама ташкилотлар доирасидаги уч давлат ҳамкорлигининг долзарб жабҳалари муҳокама қилинди. 

Элчилар Туркманистон ва Афғонистон ташқи ишлар вазирлари номидан Ўзбекистон томонига Ашхобод шаҳрида ўтказилиши режалаштирилган Афғонистон бўйича минтақавий иқтисодий ҳамкорликка бағишланган 7-конференцияга расмий таклифномани тақдим етишди.