Ҳиндистондан хушхабар! Мухлисахон 8,5 соатлик операциядан кутилганидан-да аъло чиқди

Бугун, 3 июль куни хондродистрофия касаллигидан азият чекаётган 14 ёшли Мухлиса Каримжонова жарроҳлик амалиётини бошидан ўтказаётгани ҳақида хабар берган эдик.

"Кун.уз"га берилган хабарга кўра, жарроҳлик амалиёти кутилганидан-да муваффақиятли якунланган, Мухлиса ўзини яхши ҳис қилмоқда. Қизнинг онаси айтишича, у 8,5 соат мобайнида операция қилинган.

Феруза опанинг маълум қилишича, Ҳиндистонда уларга Саифхон исмли таржимон йигит яқиндан ёрдам бермоқда. У Ҳиндистонда таржимон ёрдами керак бўлган инсонларга  ёрдамга шай экани айтилган. 

Ҳиндистондан шифо излаб борганлар учун Саифхоннинг телефон рақамлари билан бўлишишга қарор қилдик: +919911419516. 

Саифхон барча касалликлар, жумладан жигар, онкологик, оқ қон, буйрак касалликлари бўйича қўлдан келган ёрдамини аямайди.