АҚШ Шимолий Кореянинг ядро дастури ривожланишига йўл қўймайди

АҚШ Марказий разведка бошқармаси директори Майкл Помпеонинг маълум қилишича, Қўшма Штатлар КХДРга ядро ва ракета дастурини ривожлантиришга имкон бермайди.

У Пхеньян 4 июль куни қитъалараро баллистик ракета синовинини ўтказганини яна бир бора такрорлаб ўтган.

«Ўтган ҳафтада кўрганимиздек, Шимолий Корея ракета учирди, у аввалги барча ракеталардан кўра узоқ масофага йўл олди. Бу жиддий таҳдиддан дарак беради», - дея унинг сўзларини келтиради ТАСС.

МРБ директори бундай баёнот билан «Разведка ва миллий хавфсизлик альянси» нодавлат ташкилоти томонидан ташкиллаштирилган тадбир давомида чиқиш қилган.

«Буни тўхтатиш пайти келди», - деган Помпео.