Франция Қатарга нисбатан баёнот билан чиқди: «Мамлакатдан санкцияларни тезроқ олиб ташлаш лозим»

Франция ҳукумати араб давлатлари томонидан Қатарга нисбатан киритилган чекловларни олиб ташлашга чақирди. Бу ҳақда Reuters хабар бермоқда.

«Франция оддий аҳоли ҳаётига мураккаблик туғдирувчи чораларни тезроқ олиб ташлашга чақиради», - дея маълум қилди Франция ташқи ишлар вазири Жан-Ив Ле Дриан.

У шундай баёнот билан Доҳага ташрифи давомида чиққан.

Таъкидланишича, ташқи сиёсат идораси раҳбари бугун Саудия Арабистонига боради, эртага эса Кувайт ва БААга ташриф буюради.