Bloomberg агентлиги томонидан ўтказилган сўнгги сўров натижаларига кўра, АҚШ президенти лавозимига Демократик партиядан собиқ номзод Ҳиллари Клинтоннинг рейтинги рекорд даражада пастга шўнғиди.
Шу билан бирга, бу кўрсаткичлар АҚШ президенти Дональд Трампникидан ҳам ёмонроқ. Сўровда иштирок этганларнинг фақатгина 39 фоизи Клинтонни қўллаб-қувватлаган – бу президент Трампникидан 2 фоизга паст.
Таъкидланишича, собиқ давлат котиби машҳур шахс эди, бироқ янги сўровга кўра, у ҳаттоки ўтган йилнинг ноябридаги сайловларда ўзи учун овоз берган тарафдорларини ҳам йўқотган.
АҚШнинг 42-президенти Билл Клинтоннинг рафиқаси бир неча бора нутқ билан чиқиш қилиб, Трампни твиттерда баъзи-баъзида танқид остига олди, бироқ сайловлардаги мағлубиятдан сўнг сиёсий аренадан узоқлашди.
