Туркия Сурия билан чегарага қўшимча ҳарбий контингентни юборди

Туркия Сурия билан жанубий чегарага қўшимча ҳарбий контингентни юборди. Бу ҳақда маҳаллий Dogan агентлиги хабар қилмоқда.

Аниқлик киритилишича, Сурия билан чегарадаги Килис вилоятига олтита гаубица ва танклар бошқа ҳарбий техника ҳамроҳлигида йўлланди.

Суриянинг Туркия билан чегарадош бўлган тумани курд отрядлари назоратидадир, дея қўшимча қилади агентлик. Туркиянинг ўз чегарасида ҳарбий контингентининг оширилиши «хавфсизликни мустаҳкамлашга» қаратилган.