Оқ уй маъмурияти КХДР билан "саҳна ортида" дипломатик алоқа ўрнатгани маълум бўлди
АҚШ президенти Дональд Трампнинг маъмурияти бир неча ой давомида бошқа каналлар орқали Шимолий Корея билан "хотиржам дипломатия ўрнатган". Бу ҳақида Associated Press хабар берди.
Маълумки, июнь ойида томонлар КХДРдаги америкалик талабани озод қилишга доир музокаралар олиб боришган. Таъкидланишича, ҳозирга қадар алоқаларнинг давоми ҳақида маълумот йўқ, шу билан бирга америкалик маҳбуслар тақдиридан бошқа мавзулар кўтарилган ёки йўқлиги ҳам номаълум.
Манбага кўра, бу алоқалар КХДРнинг ядровий дастури атрофидаги тарангликни бартараф этиш учун "ҳозирча ҳеч қандай иш бергани йўқ".
Музокаралардан хабардор манбаларнинг сўзларига кўра, агар Трамп ва КХДР етакчиси Ким Чен Ин ҳарбий риторикани четга суриб, мулоқотни қўллаб-қувватлашса, "саҳна ортидаги муҳокамалар ҳали ҳам жиддий келишувларга асос бўлиб хизмат қилиши мумкин".
Мавзуга оид
12:00
АҚШ ва БАА Ғазо ва Ливандаги кескинликни камайтириш саъй-ҳаракатларини муҳокама қилди
11:40
Россия ТИВ АҚШ ядровий доктринадаги ўзгариш бўйича сигналга эътибор беришига умид қиляпти
08:50
АҚШ Украинага 20 млрд долларлик ёрдам юборишни режалаштирмоқда
19:43 / 22.10.2024