Макроннинг рафиқасига ортиқча харажатларсиз биринчи хоним бўлишга рухсат берилди
Елисей саройи мамлакат президентининг рафиқаси мақомини аниқлаштирувчи шаффофлик хартиясини чиқарди.
Ҳужжатга мувофиқ, «Франция президенти рафиқасининг жамиятдаги роли ва вазифалари» аниқлаштирилган. Хусусан, кўрсатилишича, у эрига расмий ташрифлар ва халқаро саммитлар давомида ҳамроҳлик қилиши мумкин.
Бундан ташқари, аёл Франциянинг халқаро таъсирини кучайтириши мумкин бўлган тадбирларни ҳам ўзи ташкиллаштириши мумкин. Устувор жиҳатлар орасида – фуқаролик жамияти билан ўзаро алоқа, таълим, соғлиқни сақлаш, маданият, болаларни ҳимоя қилиш ва жинсларнинг тенглиги масалалари бор.
Жамоатчиликнинг хавотирига сабаб бўлган ҳамда Эммануэль Макроннинг рейтинги тушишига олиб келган асосий саволга жавоб хартиянинг иккинчи қисмида бор. У ерда айтилишича, президент рафиқасида ўз бюджети, маоши, шунингдек, ҳукумат харажатлари бўлмайди. У икки маслаҳатчи, котиблар гуруҳи, давлат томонидан тақдим этилувчи қўриқлаш хизматидан умид қилиши мумкин, холос.
Елисей саройи Франциянинг биринчи хоними билан боғлиқ исталган харажатлар тўғрисидаги маълумотларни эълон қилишга ваъда берган.
Эммануэль Макрон Франция президентлиги учун сайловларда ғалаба қозонганидан сўнг, давлат ғазнасидан рафиқаси Брижитга маблағлар ажратиш ва уни парламент орқали қабул қилишга имкон берувчи биринчи хоним низомини қабул қилишни таклиф қилганди. Шундай баёнотлар фонида Макроннинг рейтинги 54 фоизга тушиб кетди.
Мавзуга оид
11:40 / 15.10.2024
Ўзбекистон президенти махсус вакили Франция қуролли кучлари делегацияси билан учрашди
09:10 / 15.10.2024
РФда Франция фуқароси уч йиллик қамоқ жазосига ҳукм қилинди
15:00 / 14.10.2024
Франция радиоактив чиқиндиларни қозон ва вилкаларга айлантиришни режалаштирмоқда
20:45 / 30.09.2024