Ички ишлар органи ходими пора олаётганда ушланди
Ҳуқуқни муҳофаза қилувчи органлар томонидан ички ишлар органи ходими пора олаётганда ушланди, деб хабар бермоқда Тошкент вилояти прокуратураси.
Зангиота туманидаги жазони ижро этиш муассасасида сақланаётган маҳкума Ш.Х. вилоят ҳуқуқни муҳофаза қилувчи органларига ариза билан мурожаат қилиб, мазкур муассаса ходими ундан жазони ўташ давомида енгил шарт-шароитлар яратиш эвазига пора талаб қилаётганлигини билдирган.
Ариза асосида ўтказилган тезкор-тергов тадбир давомида Тошкент вилояти ИИБ ЖИЭБга қарашли 14-сонли жазони ижро этиш колонияси ходими М.И. ариза муаллифининг қизи З.И.дан 1 млн. сўм ва 200 АҚШ долларини пора тариқасида олаётган вақтда ушланди.
Мазкур ҳолат юзасидан Жиноят кодексининг 210-моддаси (пора олиш) билан жиноят иши қўзғатилиб, суд томонидан М.И.га нисбатан қамоққа олиш эҳтиёт чораси қўлланилди.
Тергов ҳаракатлари вилоят прокуратураси томонидан олиб борилмоқда.
Мавзуга оид
20:03 / 09.10.2024
Юнусобод тумани прокуратураси катта терговчисига қидирув эълон қилинди
17:35 / 03.10.2024
Сирдарёда ногирон боланинг онасидан тиббий хулоса учун пул олган шифокорга ҳукм ўқилди
21:10 / 20.09.2024
Пора билан ушланган Даштобод станцияси бошлиғи илгари судланмагани айтилди
11:41 / 20.09.2024