Сомалилик оила 1500 фунтли уйдан воз кечиб кўчада яшашни афзал кўрмоқда (суратлар)

Мана уч йилдирки, сомалилик қочқинлар - она ва ўғил Лондон кўчаларидан бирида яшаб келишмоқда. Маҳаллий ҳукумат уларни яқин орадаги ижтимоий уй билан таъминлашга ҳаракат қилишди, бироқ бари бекор... Сомалидан келган оила нима учундир очиқ осмон остидаги ўриндиқда қолишни маъқул кўрмоқда. Flash Daily News мавзуга оид суратлар билан бўлишди.

Сомалилик қочқинлар - 60 ёшлар атрофидаги аёл ва унинг 25-30 ёшлардаги ўғли Лондоннинг жануби-шарқидаги Тутинг-Хай кўчасида жойлашган кутубхона ёнидаги жойни ёқтириб қолишди.

Оила деярли уч йилдан бери кўчада яшаб келмоқда. Улар 2014 йилнинг декабрида, тўлов киритмаганлик учун квартирадан қувилди. Маълумотларга кўра, улар оила аъзосининг касалга чалиниб, ҳаётдан кўз юмиши сабабли кўчада қолишган.

Уларнинг одатий куни кундузги соат 11 атрофида уйғониш билан бошланади - "Хайрли кун, Лондон!"

Баъзан йўловчилар уларга озиқ-овқат ва сув сотиб олиб беришади. Африкаликлар нонуштага асосан асалли бутербродларни маъқул кўришади.

Британияда соябонлар доим ёрдам беради - улар ҳам Лондон ёмғирлари, ҳам қуёш нурларидан ҳимоя қилади.

Оила деярли уч йилдан бери очиқ осмон остида шундай шароитда яшамоқда. Совуқ тунларда адёлга ўраниб олишади, ёмғир ва шамолдан брезент билан ҳимояланишади.

Она-бола асосан товуқ гўшти ва қовурилган картошка ейишади, қўшни қаҳвахоналардан қаҳва ичишади. Кундузи кўча бўйлаб сайр қилишади, кўп ухлашади, баъзан китоб ўқишади ва mp3-плеер тинглашади.

Лондон шаҳар маъмурияти бошпанасиз қолган бу қочқинларни уй-жой билан таъминлашга кўп уринмоқда. Пойтахт маъмурияти уларга Лондон жануби-ғарбида жойлашган, ижараси ойига тахминан 1500 фунт стерлингга тушадиган мебелли уй таклиф қилди.

Ижтимоий уй мана бундай кўринишда.

Она ва бола ижтимоий уйнинг икки хил вариантидан ҳам воз кечишди. Шуниси қизиқки, уйларнинг бири оила 2014 йилдан бери яшаб келаётган Тутинг-Хай кўчасида жойлашган бўлган.