Қўшимча функционаллар
-
Тунги кўриниш
Қирғизистон ТИВ Қозоғистонга норозилик нотасини топширди
Фото: kabar.kg
Қирғизистон Ташқи ишлар вазирлиги бугун Қозоғистонга норозилик нотасини юборди. Бу ҳақда ҚР ташқи сиёсат идораси хабар қилган.
Идора маълумотларига кўра, Қозоғистон Республикасининг Қирғизистон Республикасидаги муваққат ишлар бўйича вакили Р.Карибжанова 19 сентябрь куни Олмаота шаҳрида ҚР президентлигига номзодлардан бири билан бўлиб ўтган учрашув туфайли ТИВга чақиртирилган.
«Вазирлик Қозоғистон Республикаси президенти Н.Назарбоевнинг Қирғизистон Республикаси президентлигига номзодлардан бири билан ўтказган учрашуви ва Қозоғистон раҳбари ушбу номзодга яқинлашиб келаётган сайловларда қўллаб-қувватлов билдиргани туфайли таажжубга тушди», - дейилади ҳужжатда.
Қирғизистон ТИВнинг билдиришича, «дўстона Қозоғистон раҳбари Қирғизистон ички ишларига аралашмаётгани ҳақида маълум қилганига қарамай, унинг сўзлари Қозоғистон томонининг Қирғизистон Республикаси бўлажак президенти бўйича хоҳишини англатади».
Қирғизистон-Қозоғистон муносабатлари
Қирғизистондаги президентлик сайлови арафасида Алмазбек Атамбаев қўшни давлат сиёсатларини бир неча марта қоралаб чиқди. Бунга жавобан Қозоғистон ҳукумати чегарада қирғизистонликларни тўхтатиб қола бошлади
Мавзуга оид
20:56 / 16.01.2026
Қирғизистонда телеканалларга рус тилидаги контент намойиши қисман чекланди
19:20 / 12.01.2026
Маккада қирғизистонлик зиёратчилар учун бепул меҳмонхона қурилиши бошланди
18:09 / 07.01.2026
Қирғизистон ва Тожикистон фуқаролари ҳам АҚШ визаси учун 15 минг долларгача гаров тўлайди
15:22 / 07.01.2026