Ассанж АҚШнинг Шимолий Кореяни йўқ қилиш борасидаги таҳдидларига изоҳ берди

Фото: РИА Новости / Алекс Макнотон

WikiLeaks сайти асосчиси Жулиан Ассанжнинг фикрича, АҚШнинг Шимолий Кореяни йўқ қилиш борасидаги таҳдидлари Пхеньянда ядро дастурини кучайтириш истагини уйғотади.

Аввалроқ АҚШ президенти Дональд Трамп БМТ минбаридан туриб агар Шимолий Корея АҚШга таҳдид қилса, унда АҚШда Шимолий Кореяни йўқ қилишдан бошқа илож қолмаслигини айтганди.

"Давлатларни йўқ қилиш ҳақидаги барча таҳдидлар бу давлатларнинг Ироқ ёки Ливия каби тақдирга учрамасликка ишончлари комил бўлиши учун ядро қуролига эга бўлишни исташларига олиб келади", деб ёзган Ассанж твиттерда.

All that threatening to 'destroy' states does is to make them want nuclear weapons to make sure they don't end up like Iraq & Libya.
— Julian Assange 🔹 (@JulianAssange) September 22, 2017

22 сентябрда Шимолий Корея етакчисининг Трампнинг нутқини "телбанома алаҳсираш", Трампнинг ўзини эса "қари миянғи" деб айтган ва "энг қатъий чоралар кўришга" ваъда берган баёноти чоп этилди. Сўнгра Нью-Йоркда Шимолий Корея ташқи ишлар вазири Ли Ён Хо Трампнинг нутқига жавоб чораси Тинч океани остида водород бомбаси синови ўтказилиши мумкинлигини айтган.