«Пахтакор» Наманганда «Навбаҳор»га ютқазди

Бугун, 1 октябрь куни Наманганда Олий лиганинг 23-турида маҳаллий «Навбаҳор» жамоаси «Пахтакор»ни меҳмон қилди.

Ўйиннинг биринчи бўлимида ҳисоб очилмади.

Иккинчи бўлим меҳмонлар устунлигида бошланган бўлса-да, «Навбаҳор» ҳисобни очди. 57-дақиқада Мирзоҳид Ғофуров чап қанотдан «Пахтакор» жарима майдонига ёриб кириб Лобанов дарвозасини ишғол қилди - 1:0.

72-дақиқада эса Рўзимбой Аҳмедов наманганликлар жамоасининг иккинчи голини урди - 2:0.

Бу мағлубиятдан кейин Тошкент жамоаси 41 очко билан учинчи ўринда қолди, «Навбаҳор» эса 36 очко билан еттинчи ўринда.

Олий лига, 23-тур
«Навбаҳор» - «Пахтакор» 2:0
Голлар: Ғофуров 57, Аҳмедов 72
«Навбаҳор»: Ҳамроев, Ғофуров, Комилов, Меҳмонов, Станоевич, Ўрунов, Жабборов (с), Алиев, Қиличев (Махсталиев 80), Турғунбоев (Бойдедаев 90), Р.Аҳмедов (Йованович 75).
«Пахтакор»: Лобанов, Козак, Аъзамов, Симич (с), Ҳошимов, Гриффитс, А.Аҳмедов (Искандеров 76), Нуруллаев (Иброҳимов 66), Безерра, Канюк (Ҳакимов 84), Сергеев
Огоҳлантиришлар: Ғофуров 44, Безерра 36, Станоевич 53, Қиличев 80