Пучдемон кўрсатма бериш учун Испания судига келмайди

Фото: AFP

Каталония мухторияти раҳбари вазифасидан четлаштирилган Карлес Пучдемон 2 ноябрь куни кўрсатма бериш учун Испания Миллий суд ҳайъатига келмайди. Cобиқ раҳбарнинг бельгиялик адвокати Пол Бекар сўзларини ABC нашри ёзмоқда.

"Йўқ, у судга бормайди, чунки у кузатишни ва кутишни маъқул кўрмоқда", - деган юрист. "Биз сиёсий бошпана сўраш учун сўров бермасликка қарор қилдик. Экстрадиция хусусида берилган сўровни суд орқали муҳокама қиламиз", - деб изоҳлаган Бекар.

Испания Миллий суд ҳайъати қарорига кўра, Пучдемон ва минтақа ҳукуматининг бошқа қатор собиқ аъзолари 2 ва 3 ноябрь кунлари судда кўрсатма беришлари керак.

Тайёрлаган Толиб Раҳматов

#Испания #Каталония #Карлес Пучдемон

Испаниянинг шимолий-шарқий ҳудудида, Каталония автономиясида, истиқомат қилувчи аҳоли 1 октябрь каталонларнинг мустақиллик масаласини ҳал этиш учун кўчага чиқди. Расмий Мадрид ушбу ҳаракатни йўққа чиқариш мақсадида маҳаллий полиция кучидан фойдаланмоқда.