4 ёшли қизини урган ота собиқ милиция ходими бўлган

“Ўзбекистон” телеканалининг “Учбурчак” кўрсатувида 4 ёшли норасида қизалоқнинг ўз отаси томонидан урилгани ва бу жараён бевосита отанинг ўзи томонидан телефонга тасвирга олингани намойиш этилган эди. 

Бу интернет тармоғининг ўзбек сегментидаги ижтимоий тармоқларни ларзага келтирди. Айни вақтда отанинг кимлиги маълум бўлган. У Тошкент шаҳри Чилонзор-8 мавзесида истиқомат қилувчи А.Х.дир. Унга нисбатан ЎзР ЖКнинг тегишли моддаларига асосан жиноий иш қўзғатилган. 

Маълум бўлишича, у собиқ ички ишлар идораси ходими бўлиб, шу йилнинг октябрь ойида ишдан кетиш ҳақида рапорт ёзиб, ишдан бўшаган.