Роналду ва Серхио Рамос орасидан ола мушук ўтди

Фото: Marca

«Реал» ҳужумчиси Криштиану Роналдуга жамоа сардори Серхио Рамоснинг сўнгги интервьюсидаги гаплари ёқмаган, деб хабар бермоқда El Chiringuito.

Аввалроқ, португалиялик тўпурар маълум сабабларга кўра «Реал»ни тарк этмоқчи экани ҳақида хабарлар тарқалган эди. Рамос эса бу ҳақдаги саволга жавоб беришни истамади ва ҳаммасини Роналдунинг ўзидан сўранг, деб чўрт кесди.

Бунгача Роналду, «Тоттенҳэм»га (1:3) қарши Чемпионлар Лигаси баҳсидан сўнг, Испания гранди билан янги шартнома имзоламаслиги ҳақида баёнот берди. Рамос эса уни таъмагирликда айблаган эди.

Эслатиб ўтамиз, Роналдунинг амалдаги шартномаси 2021 йилгача мўлжалланган.