Антарктидада 30 даражали совуқда марафон ўтказилди

Антарктидада дунёнинг энг аёзли ва экстремал марафонларидан бири бўлиб ўтди. «Россия 24» телеканали шу ҳақида хабар берди. 

Марафон жанубий қутбдан атиги бир неча минг километр масофада ўтди. Икки айлана Антарктида тадқиқот станцияларидан бири атрофида, 42 километр эса 30 даражали совуқда ўтказилди. 

Бундай шарт-шароитларда термолибосни тўғри танлаш ва юзни тўсиш муҳим. Бутун масофа давомида ташкилотчилар экстремалларни махсус егулик ва сув билан таъминлаб туришди. 

Марафон ғолиби даниялик спортчи бўлди. Франк Йохансен 42 километр масофани 3 соату 37 дақиқа ва 46 сонияда босиб ўтди. Бу Нью-Йорк, Берлин ёки Бостонда ўтадиган классик марафонлар ғолиблари натижаларидан бир ярим соатга кўп демакдир.