Туркия ва Франция АҚШнинг Ал-Қудс бўйича фикрини ўзгартирмоқчи

Фото: РИА Новости / Юрий Сомов

Туркия ва Франция президентлари Ражаб Тоййиб Эрдўған ва Эммануэль Макрон телефон орқали мулоқот вақтида АҚШни Ал-Қудсни Исроил пойтахти деб тан олиш қарорини қайта кўриб чиқишга кўндириш учун биргаликда ишлашга келишиб олдилар.

АҚШ президенти Дональд Трампнинг Ал-Қудсни Исроил пойтахти деб тан олиш қарори Исроил томондан ижобий қабул қилинган. Бироқ кўплаб давлатлар бунга салбий муносабат билдиришган.

Манба маълумотларига кўра, Эрдўған ва Макрон АҚШнинг бу қарори жиддий хавотир уйғотиши ҳақидаги фикрга келишган. Эрдўған Ал-Қудс масаласи бўйича биргаликдаги саъй-ҳаракатлар ва яқин ҳамкорлик муҳимлигини таъкидлаб ўтган.