Оилавий миграцияни тўхтатиш лозим – Трамп Нью-Йоркдаги терактдан кейин
АҚШ президенти Дональд Трамп 11 декабрда Нью-Йоркда содир этилган теракт АҚШ конгресси томонидан америкаликларни ҳимоя қилиш борасида ислоҳотлар қабул қилиниши лозимлигини таъкидлайди, деб айтди. Трамп бундай ислоҳотлар, шунингдек, иммиграция соҳасига ҳам тегишли эканини қўшимча қилди.
11 декабрда Нью-Йоркдаги ер ости пиёдалар ўтиш жойида портлаш содир этилди. Дастлабки маълумотларга кўра, портлашда гумон қилинаётган Ақойид Юлланинг танасига “паст сифатли қўлбола портловчи қурилма” маҳкамланган бўлиб, у бу қурилмани атайлаб портлатган. Нью-Йорк ўт ўчириш хизмати маълумотларига кўра, гумонланувчи куйиш ва кесилган жароҳатлар олган. Маълум қилинишича, Юлла АҚШга иммиграцион виза билан 2011 йил 21 февралда келган. У қонуний асосларда АҚШда яшаш рухсатига эга бўлган.
“Нью-Йоркда амалга оширилган бугунги оммавий қотилликка уриниш – Нью-Йоркда охирги 2 ой ичида амалга оширилган иккинчи терактдир. Бу теракт Америка халқини ҳимоя қилиш учун конгресс томондан қонун ислоҳотлари қабул қилиниши зарурлигини кўрсатади”, деб айтган Трамп терактдан кейин.
Трампнинг таъкидлашича, жиноятчи АҚШга оилавий миграция дастури билан келган. Бу эса “миллий хавфсизликка тўғри келмайди”.
“Конгресс занжирли миграцияни тўхтатиши керак. Конгресс маъмуриятининг ички хавфсизликни мустаҳкамлаш, жумладан, иммиграция ва божхона идоралари ходимлари сонини ошириш, иммиграция хизматлари ходимларининг ҳибсга олиш ва иммиграция тизимимизда фирибгарлик ва суистеъмолчиликларни тўхтатиш бўйича ваколатларини мустаҳкамлаш бўйича билдирган таклифларига мувофиқ ҳаракат қилиши керак”, деб айтган Трамп.
Оилавий миграция АҚШда яшайдиган муҳожирларга ўз оила аъзолари билан бирлашишга имкон беради.
Мавзуга оид
20:20 / 14.10.2024
АҚШдаги ядровий объектлар ва авиабазалар устидан сирли дронлар учиб ўтишни бошлади
16:10 / 14.10.2024
АҚШ РФ ва ХХРни ASEAN давлатлари баёнотини блоклашда айблади
10:09 / 14.10.2024
АҚШнинг Полшадаги янги РҚМ базаси Россия ракеталарини уриб тушира олади
13:07 / 13.10.2024