Туркия, Ироқ ва АҚШ ҳарбий раҳбариятлари музокаралар ўтказди – ОАВ

Туркия ва Ироқнинг қуролли кучлар бош штаблари бошлиқлари  Хулуси Акар ва Усмон ал-Ганмий 14 декабрь Анқарада НАТОнинг Европадаги бирлашган қуролли кучлари бош қўмондони Кертис Скапарротти ва АҚШ қуролли кучлар марказий қўмондонлиги бошлиғи Жозеф Вотел билан учрашдилар. Бу ҳақда Hurriyet нашри хабар бермоқда. 

Маълумотларга кўра, томонлар минтақада хавфсизликни таъминлаш, террорчилик ташкилотларига қарши курашиш учун зарур чораларни муҳокама қилишган. Нашрнинг маълум қилишича, музокаралар давомида ИШИДнинг Сурия ва Ироқда яна вужудга келишига йўл қўймаслик мавзуси ҳам кўрилган бўлиши мумкин.