Мушук кир ювиш машинаси ичида 40 дақиқа «ювилганидан» сўнг омон қолди

Норвегияда Зеро лақабли мушук ишлаётган кир ювиш машинаси ичида 40 дақиқа давомида қолиб кетганидан сўнг омон қолди. Бу ҳақда NRK хабар бермоқда.

Зеро кир ювиш машинасининг барабанига билдирмай кириб олган, шундан сўнг унинг эгалари машинани ёқиб юборишган. Таъкидланишича, мушук кир ювиш машинаси ичида жунли кийимларни ювишга мўлжаллаб ёқилган 30 даражали ҳароратда 40 дақиқа давомида қолиб кетди.

Рўй берган воқеадан сўнг ҳайвон ветеринария клиникасига олиб кетилди, у ерда мушук икки кун давомида қолган. Айни дамга келиб ҳайвон ўзига келиб олгани айтилмоқда, гарчи, эгаларининг қайд этишича, ундан ҳали ҳам совун ҳиди келмоқда.